Abbildungen der Seite
PDF
EPUB

Yon rosebuds in the morning dew,
How pure amang the leaves sae green;
But purer was the lover's vow

They witnessed in their shade yestreen.
All in its rude and prickly bower,

That crimson rose, how sweet and fair;
But love is far a sweeter flower
Amid life's thorny path o' care.

The pathless wild and wimpling burn,
Wi' Chloris in my arms, be mine;
And I the world, nor wish, nor scorn,
Its joys and griefs alike resign.

OH, FOR ANE-AND-TWENTY, TAM. TUNE-The Moudiewort.

CHORUS.

AND oh, for ane-and-twenty, Tam,
And hey, sweet ane-and-twenty, Tam,
I'll learn my kin a rattlin' sang,

An' I saw ane-and-twenty, Tam.

They snool me sair, and haud me down,
And gar me look like bluntie, Tam !
But three short years will soon wheel roun'-
And then comes ane-and-twenty, Tam.

A glieb o' lan', a claut o' gear,

Was left me by my auntie, Tam;
At kith or kin I need na spier,
An' I saw ane-and-twenty, Tam.

They'll hae me wed a wealthy coof,
Tho' I mysel' hae plenty, Tam.

But hear'st thou, laddie-there's my loofI'm thine at ane-and-twenty, Tam.

OH GIN MY LOVE WERE YON
RED ROSE.

AIR-Hughie Graham.

OH, gin my love were yon red rose
That grows upon the castle wa';
And I mysel' a drap o' dew,

Into her bonnie breast to fa'!

Oh there, beyond expression blest,
I'd feast on beauty a' the night!
Seal'd on her silk-saft faulds to rest,
Till fley'd awa by Phoebus' light.

Oh, were my love yon lilach fair,
Wi' purple blossoms to the spring,
And I, a bird to shelter there,

When wearied on my little wing

How I wad mourn, when it was torn
By autumn wild, and winter rude!
But I wad sing on wanton wing,
When youthfu' May its bloom renew'd.

OH LASSIE, ART THOU SLEEPING

YET?

TUNE-Let me in this ae Night.

Oн lassie, art thou sleeping yet?
Or art thou wakin', I would wit?
For love has bound me hand and foot,
And I would fain be in, jo.

CHORUS.

Oh let me in this ae night,
This ae, ae, ae night;
For pity's sake this ae night,
Oh rise and let me in, jo!

Thou hear'st the winter wind and weet,
Nae star blinks thro' the driving sleet;
Tak pity on my weary feet,

And shield me frae the rain, jo.

The bitter blast that round me blaws
Unheeded howls, unheeded fa's;
The cauldness o' thy heart's the cause
Of a' my grief and pain, jo.

OH LAY THY LOOF IN MINE, LASS.
TUNE-Cordwainer's March.

Oн lay thy loof in mine, lass,
In mine, lass, in mine, lass;

And swear on thy white hand, lass,

That thou wilt be my ain.

A slave to love's unbounded sway,
He aft has wrought me meikle wae;
But now he is my deadly fae,
Unless thou be my ain.

There's mony a lass has broke my rest,
That for a blink I hae loed best,
But thou art queen within my breast,
For ever to remain.

Oh lay thy loof in mine, lass,
In mine, lass, in mine, lass;
And swear on thy white hand, lass,
That thou wilt be my ain.

OH LOVE WILL VENTURE IN.

TUNE-The Posie.

Oн luve will venture in where it daurna weel

be seen;

Oh luve will venture in where wisdom ance has been;

But I will down yon river rove, among the wood sae green—

And a' to pu' a posie to my ain dear May.

The primrose I will pu', the firstling o' the year,

And I will pu' the pink, the emblem o' my dear,

For she's the pink o' womankind, and blooms without a peer

And a' to be a posie to my ain dear May.

I'll pu' the budding rose, when Phoebus peeps in view,

For it's like a baumy kiss o' her sweet bonnie mou';

The hyacinth for constancy, wi' its unchang.. ing blue

And a' to be a posie to my ain dear May.

The lily it is pure, and the lily it is fair, And in her lovely bosom I'll place the lily there;

The daisy's for simplicity, and unaffected air

And a' to be a posie to my ain dear May.

The hawthorn I will pu' wi' its locks o' siller grey,

Where, like an aged man, it stands at break of day.

But the songster's nest within the bush I winna tak away

And a' to be a posie to my ain dear May.

OH MALLY'S MEEK, MALLY'S
SWEET.

OH Mally's meek, Mally's sweet,
Mally's modest and discreet,

Mally's rare, Mally's fair,

Mally's every way complete.

« ZurückWeiter »