Ne sylvae quidem, horridiorque Naturae facies Medi cinis carent, sacra illa Parente rerum omnium nusquam non remedia disponente homini, ut Medicina fieret etiam solitudo ipsa. Haec sola Hic nata Medicina. Natura placuerat esse remedia parata vulgo, irventu facilia, ac sine impendio. PLIN. Nat. hist. XXIV. I. S uperfluum forte me suscepisse laborem, colligendo Materiam Medicam Vegetabilem Americae Septentrionalis, qui objiciant non deerunt. Dum enim, recentiori nostro aevo, in tam multiplicem varietatem creverit apparatus medicamentorum, et clarissimi nostri temporis viri omnem conferant operam, ut pharmacopolia pondere superfluorum inutiliumque liberenturnova ex altera parte continuo proponi laudarique, aeque faepe inertia ac futilia, plurimi, et jure quidem, conqueruntur. Ne gravius itaque illorum judicium incurram, paucis propositi et originem et rationem explicare necesse videtur. Per septem fere annos in variis Americae Septentrionalis partibus degens, quod reliqui temporis horarumque subsecivarum habebam, rei herbariae Studio destinabam, Sollicitus autem, ne omnino inutili quasi curiositate tempus contere rem, in proprium usum annotare coepi illas plantas americanas, quae minus adhuc cognitae quoad vires essent et usum. Idem feci, cum postea, pace restituta, Provincias Americanas australiores, Terram Marianam nempe, Virginiam et quae his adjacent Montium juga, utramque Carolinam, Floridam et Bahamenses Insulas visitarem; sedulo abique quaeritavi, quaenam stirpium indigenarum in medicos usus verterentur, et quaecunque sciscitanti mihi a Medicinae Practicis, Empiricis, ruricolis, immo et vetulis, indicatae vel monstratae fuere plantae, eas omnes consignavi, et quidquid de viribus illarum eruere potui, adjeci. Sic tandem factum est, ut catalogum Simplicium longum haberem, inter quae varia omnino nova, vel paucis tantum vulgata, alia autem iam magis cognita essent. Non potui non mirari divitias, quas Optima Natura Americam inhabitantibus dedit, et liberalitatem insignem, qua ad morborum sat validum exercitum profligandum, omisia, vel maxime necessaria quidem adjumenta, regionibus illis longe lateque extensis subministravit; simul autem dolebam, tam multa et incomparabilia medicamenta indigena et euporista, in ipsa illa America neglecta fere, vel paucioribus tantum familiaria esse incolis. Plurimi enim, Medicinam in America exercentes, ceterum eruditi et laude digni Viri, cum vel in Scholis europaeis, vel etiam in Collegiis quae in America extant, Artis Machaomae rudimenta posuerint, Materiam Medicam suam tamen secundum usitata (Medicorum Europaeorum) compendia edocti sunt; et sic, viam tritam prosequentes, negligunt qui per singulas suas provincias frequentari solet, domesticum simplicium apparatum, et uti ubique fere mos est, ab exteris desiderant, quibus maxime abundant. Variae huius incuriae assignari debent rationes. Displicet aliis pomposa Medicaminum farrago, et selectiori praestantiorum apparatui sese adstringentes reliqua omnia spernunt. Alii infra Medici dignitatem esse putant, euporistas et indigenas adhibere medicinas. Tritam denique deserere viam alii nolunt, alii nesciunt, novarumque rerum periculum facere non quilibet audet; facilius enim creduntur, quae a Magistro, ut experta proponuntur, et quae cum antiquitate veritatis sigillum habere judicantur. Cumprimis autem denominatis modo rationibus addere debemus, neglectum hucusque, inter Americanos, studium historiae naturalis, et Botanices in specie. Hujus enim perterriti difficultate, nobilissima vilius justo pendebatur scientia, quae nunc tantum magis magisque adamari incipit. Commoda inde precipienda non equidem fugiebant Viros boni publici studiosos, qui multis abhinc annis et fervide optabant*), ut indigenarum plantarum qualitates et usus magis inquirerentur. )(3 *) Videantur Acta Societ. Philos. Americ. Vol. primum. Ad |