uns vurbas me nicht pflichtik syn zcu gebin, sust sullin ir Brife an allin andirn artikeln stete und gantz bliben, als sy in von unsirn vorfarn sint gegebin, Ouch welle wir das der Rum von dem gerechten Thore zwischen den Buden dy an der Muer legin, und den Erbin sulle eynes waynweges breit syn alumme bis zcu deme Burgthore und wellin ouch, das der gank zwisschen der aldinstat Muer und den erbin der vormols zcur Badestobe gegangen hat of dy Mockir, unvorbu wet bliben sulle, und dy stat genyse des selbin ganges so sy beste moge. Zcu ewigem gedechtnis desir dinge han wir unser Ingesegil an desin Brif lasen hengen Gegebin of unsirm huse Birgelow in der jarzal unsirs herren Tusunt driehundirt vier und achzik am Montage vor Andree des apostils Gezuge sint unsir liebin Brudir Cuno von libinsteyn groskompthur Bruder Sifrid walpode von Bassinheym kompthur zcu Thorun Bruder Caspar von prittiz kompthur zu Birgelow Bruder Rudiger von Ostichav kompthur zcu Nessau Wernher von Tettingen unsir Compan und andir Ersame lute.

Original-Urkunde mit dem Siegel des Hochmeisters im Raths- Urchiv zu Thorn. Cist. IV. 24.
Voigt B. V. S. 461.

No XXVIII.

Schuldbrief der Bürgermeister und Rathsmanne der Stadt Stolpe über eine vom Hochmeister und dem Orden in Preußen geliehene Geldsumme.

1385.

Wir arnold Ditbern hannus erp heyne grope Borgermeistere und Hinczke stolle Claws

Volczke hinczke hermans Tideke hutbant Walter dirsaw Mertin kalf Claws Tymme Theus bandesin lupke czipelaw Ratmanne und kemmerer und dorczu dye gancze gemeynheit der Stat czur Stolpe Thun wissentlich allen dye desen Briff sehen und bekennen offenbar in desem kegenwertigen briffe, das wir schuldik sint Tusent Mark pruschs geldes unserm genedigen herren dem homeister czu Prusen und dem Orden dye her uns hat gelegen in sunderlicher gunst und fruntschafft und wir gar und volkomen haben von Im empfangen Im dankende seiner genaden und gunst dye her uns doran gutlichen hat derczeiget, und wir geloben mit gesampter hanth vor uns unser erben und nochkomlinge bey eren und guten truwen ane argelist das vorgeschreben gelt beczalen bynnen fümff Jaren alle Jar gebende czweihunderth Nobiln jo dye Nobil gerechent vor eyne prüssche mark und wir dergeben uns des ap des geldes beczalunge als hir geschreben stet nicht werde beczalt des got nichten gebe, das unser herre homeister und der orden dorumb unser gut mag lassen angreiffen bin dem lande czu Prussen und bussen landes man unser gut weis und wir vorczihen uns geistlichs und wertlichs rechts das uns

WO

mochte doran czu hulffe komen Czu gewisheit und sicherheit desser dinge haben wir unser stat gros Ingesigel an desen Briff lasen hengen Gegeben uff dem huse czum Elbing in der Jarczal unsers herren Tusent dreyhundert vümff und achzig Jare am Sonabende vor Quasi modo geniti.

Transsummt vom Jahre 1412 im geheimen Archiv zu Königsberg. Schiebl. 50 Nr. 73.
Voigt B. V. S. 446.

N XXIX.

Der Ordensmarschall meldet dem Landmarschall von Livland, daß der Hochmeister nach dem Wunsche des Bischofs von Defel, sich in Preußen consecriren zu lassen, die Einwilligung dazu ertheilt habe.

1385.

Unsern vruntlich grus etc. Erbar lieber Herre Lantmarschalk, uwer Erbirkeit wisse das der probist von Osel an unsern homeister von des herin Bischoffs weyn geworbin hat, so das her em welde gunnen, das her in unserm lande czu Prusen mochte werden consecriret. Dorczu gab czuhant unser Homeister sinen willin, und sante Bruder Hinrich den aldin procurator czu den Herin Bisschoffen unsers landes. di gutwillig sin dorczu. das durch unsers Homeisters wille czu thunde, Syn und ouch andir siner frunde wille were wol und duchte si gut das em di consecracio nerne als bequeme were. als czu Kongesberg. dorczu der Here Bisschoff von Samelant ouch synen guten willin hat gegeben. Hir von han wir ouch vor langer czit dem Herin B. von Oesel unser brive geschriben und gesant, ab si em gewordin sin adir nicht, des wissin wir nicht, Ouch liber Herr lantmarschalk Bittin wir uch fruntlich das ir uns wellet entpitin, wie is si um die Boten di ir ken Littowin hattet gesant, eynen tag eyns gespreches mit en czu haldin ab der tag czu gegangen si adir nicht, und ab di boten wedir von Littowen sin gekomen, und ouch um di boten di czu uns ins lant von Lifflande sullen komen, als ir uns nu noch des Gebitigers tode von Lifffande hat geschriben. dem got gnade, uff wel czit si czu uns sullen. Bittin wir uch vruntlich, das ir uns das ane sumen wellet lasen wissen geben czu Konigsberg am dinstag noch Palmen anno LXXXV.

Anno domini MCCCLXXXV° sequenti die Luce ewangeliste domini et nuncii consulares Civitatum Prusie Marienburg congregati sequentes articulos consulte pertractantes etc.

Czu dem irsten so hat unsir Herre der Homeister mit den gebitigern und mit den gemeynen stetin obir eyn getragen als von den Smydeknechtin Alzo das der Mutirhus, und alle ihre Vorsammelunge slechtis sal abegeen, und alle ire satzunge, dy sie uff ire.Meistere undir sich gemacht und gesatzt haben, und sunderlich dy dry phennige vor byr.

Der glich alle dinstbotin adir hantwerkknechte adir welcher Handelunge sy sint, dy umme lon dynen adir uff genade, den sy och abegelet alle sammelunge, alzo das sie keyn byr dorch das Jar kowffen das sie czu samene trincken.

Item von den Beckern etc.

Ouch sal keynerhande Hantwerkman adir Hantwerkknecht nymande syn Ammecht mit keynerhande satzunge adir nuen Funden nyder legen, wer do myte begriffen wirt, deme sal man eyn Ore abesnyden.

Pars Recessus proxime sequentis. Decretum die Lucie

virginis ut fieri est conswetum autenticas per

personas.

Ouch so hat unsir Herre der Homeister mit den Gebitigern und mit den gemeynen stetin obir eyn getragen, als von der Morgensproche, Also das keynerhande Brudirschaft, noch Gylde, noch keynerleye Hantwerke, welchirleye das sie sint, Morgensproche adir Samenunge meer haben adir machen, den czu vir gecziten des Jares Alse czu allen quatuor temporum, dar czu sal der Rat czu iclicher Samenunge hye vorgescreven senden czwene Ratmanne und den Schulczen die sullen iren Gebrechin beschriben brengin vor den Rath, das sie den entscheiden, wer dis Gebot bricht der sal syner Buse nicht wissen. Ouch ab keyn Hantwerk undir sich Gebrechin hette bynnen der Czyt vorgescreven, den sullen die Meistere brengin vor den Rath, dar czu sal ouch der Rath czwene Rathmanne und den Schulczen senden, den czu behoren in der wyse als hy vorgesreben etc.

Ouch welch wirt das gestate das man in syme Huse keynerhande Samenunge adir Satzunge machet dy do geit wider unsern Heren adir dis Land adir wider die Stat, adir uff andirs ymande, der sal ouch nicht wissen syner Buse.

Alte Abschrift im Fol. Hanseat. Receff. Nr. 1. p. 104–106.
Voigt B. V. S. 464.

No XXXI.

Verzeichniß derjenigen Kriegshauptleute, die in Preußen am Ehrentische gesessen und am Kriegszuge gegen die Litthauer Theil genommen haben. 1385.

Anno domini etc. LXXXV ist dise Herschaft in Prusen gewest der erentisch.

Anno domini 1385 feria secunda post diem Fabiani et Sebastiani Civitates hos articulos de Nautis et navibus cum consensu domini nostri generalis Magistri ac aliorum Ordinis Preceptorum in Marienburg de novo statuerunt.

Wir sint zu Rathe wurdin mit den Stetin, als von den Schiffin. dy dy Wysle uft und nedir geen, das man yn lonen sal by der myle, und keyn knecht sal von den Schiffin nicht geen noch loufin, das geschiffte gut werde denn bracht zu marckte, und wer ee von dannen liefe. der sal vorlyzen eyn Ore. ab her von deme Stuermann adir Plathmanne selb dridte wird uberczuget.

Vortmer ist das Yes adir andir hindirniss den Schiffin entsteet adir begeynit von Yese, So sal der Schiffherre adir Stuermann mit den knechten drie tage do harren und beytin. und dy koste, dy do gescheen. sal man beczalen nach last czal von dem gute.

Vortmer geschiet Schiffbruch. so sullin dy knechte nicht vlien. Sundir sy sullin das gut vlysiclich helfin bergin. und man sal iczlichin knechte czu lone den tag. sco. und dy koste nach lastczal von dem gute.