Abbildungen der Seite
PDF
[ocr errors]

Vel». amoenum saepe Lucretilem v
Mutat Lycaeo Faunus; et igneam
Defendit aestatem capellis
Vsque meis, pluviosque ventos.
Impune tutum per nemus arbutos
Quaerunt latentes et thyma deviae
Olentis uxores mariti:
Nec virides metuunt colubras,
Nec Martiales hoedilia lupos;
Vtcumque dulci, Tyndari, fistula
Valles, et Vsticae cubantis
Levia personuere saxa.
Di me tuentur: Dis pietas mea
Et musa cordi est. Hîc tibi copia
Manabit ad plenum benigno
Ruris honorum opulenta cornu.
Hîc in reducta valle Caniculae
Vitabis aestus, et fide Teia
Dices laborantes in uno
Penelopen, vitreamque Circen.
Hîc innocentis pocula Lesbii
Duces sub umbra: nec Semeleius
Cum Marte confundet Thyoneus

Proelia; nec metues protervum

Suspecta Cyrum , ne male dispari
Incontinentes iniiciat manus,
Et scindat haerentem coronam

Crinibus, immeritamque vestem.

[ocr errors]

Nullam, Yare, sacra vite prius severis arborem
Circa mite solum Tiburis, et moenia Catili.
Siccis omnia nam dura Deus proposuit: neque
Mordaces aliter diffugiunt sollicitudines.
Quis post vina gravem militiam, aut pauperiem crepat ?
Quis non te potius, Bacche pater, teque, decens Venus?
At ne quis modici transiliat munera Liberi,
Centaurea monet cum Lapithis rixa super mero
Debellata; monet Sithoniis non levis Evius:
Quum fas atque nefas exiguo fine libidinum
Discernunt avidi. Non ego te, candide Bassareu,
Invitum quatiam ; nec variis obsita frondibus
Sub divum rapiam. Saeva tene cum Berecyntio
Cornu tympana, quae subsequitur caecus amor sui,
Et tollens vacuum plus nimio gloria verticem,

Arcanique fides prodiga, perlucidior vitro.

O D E XIX.

M„., saeva Cupidinum ,
Thebanaeque iubet me Semeles Puer,
Et lasciva Licentia ,
Finitis animum reddere amoribus .
Vrit me Glycerae nitor
Splendentis Pario marmore purius;
Vrit grata protervitas,
Et vultus nimium lubricus aspici.
In me tota ruens Venus
Cyprum deseruit; nec patitur Scythas,
Et versis animosum equis
Parthum dicere, nec quae nihil attinent.
Hîc vivum mihi cespitem, hîc
Verbenas, pueri, ponite, turaque,
Βimi cum patera meri.

Mactata veniet lenior hostia.

[ocr errors]

V;i. potabis modicis Sabinum
Cantharis, Graeca quod ego ipse testa
Conditum levi, datus in theatro
Quum tibi plausus,
Care Maecenas eques; ut paterni
Fluminis ripae, simul et iocosa
Redderet laudes tibi Vaticani
Montis imago.
Caecubum, et praelo domitam Caleno
Tu bibes uvam : mea nec Falernae
Temperant vites, neque Formiani

Pocula colles.

« ZurückWeiter »