WAR SONGS OF BRITAIN

There's a rose in Kenmure's cap, Willie,
There's a rose in Kenmure's cap;

He'll steep it red in ruddy heart's bluid,
Afore the battle drap.

Here's him that's far awa, Willie,

Here's him that's far awa,

And here's a flower that I lo'e best,
The rose that's like the snaw.

O Kenmure's lads are men, Willie,
O Kenmure's lads are men,

Their hearts and swords are metal true,
And that their faes shall ken.
They'll live or die wi' fame, Willie,
They'll live or die wi' fame;

And soon wi' sound o' victorie

May Kenmure's lord come hame.

Anonymous.

THE CAMPBELL'S ARE COMING

1715 A.D.

The Campbells are coming, o-ho, o-ho!

The Campbells are coming, o-ho!

The Campbells are coming to bonnie Lochleven! The Campbell's are coming, o-ho, o-ho!

Upon the Lomonds I lay, I lay;

Upon the Lomonds I lay;

I lookit down to bonnie Lochleven,
And saw three perches play.

The Campbells are coming, o-ho, o-ho!
The Campbells are coming, o-ho!

The Campbells are coming to bonnie Lochleven!
The Campbells are coming, o-ho, o-ho!

Great Argyle he goes before;

He makes the cannons and guns to roar; With sound o' trumpet, pipe and drum; The Campbells are coming, o-ho, o-ho!

THE CAMPBELLS ARE COMING

The Campbells they are a' in arms,
Their loyal faith and truth to show,
With banners rattling in the wind;
The Campbells are coming, o-ho, o-ho!

Anonymous.

BONNIE PRINCE CHARLIE

1745 A.D.

Cam' ye by Athol, lad wi' the philabeg,

Down by the Tummel, or banks o' the Garry; Saw ye our lads, wi' their bonnets and white cockades Leaving their mountains to follow Prince Charlie ?

Follow thee! follow thee! wha wadna follow thee? Lang hast thou loved and trusted us fairly! Charlie, Charlie, wha wadna follow thee,

King o' the Highland hearts, bonnie Prince Charlie?

I hae but ae son, my gallant young Donald,

But if I had ten they should follow Glengarry! Health to McDonnell and gallant Clan Ronald, For these are the men who will die for their Charlie!

I'll to Lochiel and Appin, and kneel to them,

Down by Lord Murray and Roy of Kildarlie ; Brave McIntosh, he shall fly to the field wi' them, These are the lads I can trust wi' my Charlie!

BONNIE PRINCE CHARLIE

Down through the Lowlands, down wi' the Whigamores!

Loyal true Highlanders, down wi' them rarely! Ronald and Donald drive on wi' the broad claymore, Over the necks o' the foes o' Prince Charlie !

Follow thee; follow thee! wha wadna follow thee? Lang hast thou loved and trusted us fairly! Charlie, Charlie, wha wadna follow thee,

King o' the Highland hearts, bonnie Prince Charlie ?

James Hogg.