gesprach noch nimmer mac getun. unt volget alle di lantschaft ime nach zu finer predie. Dar kom der kunege ummezelichen vil nach unt die lute von den grozen steten unt vil grozen landen komen an zal vil dar als gern horten si sine suezen lere. Do entwech unser herre uf daz mer unt uf di inseln und prediet da allem volke.

Dar nach singet man credo in deum daz bezechet di lute di gelaubec wurden von den worten unsers herren. Dar nach singet man daz offertorium. daz bezechent daz unser. herre di sichen gesunt maht. unt di blinden gesehende. unt di lamen gereht. unt di stummen sprechende. unt di tauben gehørende. unt di miselsuhtegen rein unt tet als manec groze zechen daz ime do vil lute nach volgeten.

So bereitet man denne den kelche uf den alter. und dar nach opfernt die lute daz bezehent daz die lüte iren gelauben opfern. Dar nach in der stille so der prister di stille liset daz bezechent daz di ubelen Juden ze rate gingen unt sprachen. waz scul wir tuen. alle dise werlet ist izunt an ime. Do sprach einer der hiez Caiphas. man scol ine toeten. ez ist bezer. daz er eine sterbe denne daz alle du werlt verderbe. Do giene unser herre in di wustunge. unt entweich von ine ein wile. und dar nach singet der prister ein sanc daz bezehent daz unser herre uz der wusten gienc. Do giene Maria Magdalena unt Marta ire swester zu unserm herren unt clageten daz Lazarus ir bruder toet were. Do sprach unser herre. vårt mich dar swi wol er weste wa er lac. unt do unser herre dar kom. do hiez er daz grab uf tuen unt hiez den stein abe nemen. Do sprach unser herre Lazare kum her uz. Do spranc er uf mit gebunten henten. unt mit ge= bunden vuzen. Do hiez in unser herre enbinden. unt az unt trac (sic) des tages mit ine. Daz gesach (sic) an dem vritage vor dem palmetag do kom allez daz volc von Jerusalem unt volget im do unzellichen vil lute nach.

So finget man denne dristunt sanctus. sanctus. sanctus.

*

daz bezeichent daz unser herre zu Jerusalem kom geriten unt wart da als wol enpfangen. daz ime nie so groz ere uf ertrich warde (sic) derboten als do. Där nach hebet man an di stille messe. unt neiget sich der prifter vur den alter. daz bezeichent daz gebet daz unser herre tet gein finen vater. unt do er blutegen sweiz swizete. unt daz erste gebet daz er tet was also daz er sprach. herre vater mir tuet der toet vil we unt du marter. unt wil si doch liden gerne durch den menschen. daz ander was daz er bat vur sine iungeren. daz dritte gebet was daz er bat gemeinlichen vur alle di cristenheit.

Unt dar nach swaz der prister tuet. er neiget sich hin ́er neiget sich here. ere cruzet hin er cruzet her ein cruz ob dem kelche ein cruz vor dem kelche lange cruz kurze cruze. Di langen cruze bezeichent di langen marter. di furzen cruze di furzen marter. unt swaz der prister tuet biz daz er an daz kumet daz er unsern herren uf hebet. daz bezeichent alle di marter di unser herre leit von dem donerstage biz an den vritac ze mittentage. So denne der prifter unsern herren uf hebet. daz bezeichent daz unser herre uf wart gehangen an daz heilege cruze. Daz bezeichent auch dru dinc. daz ein als ob der prifter spreche ze gelicher wis als ich in izunt in minen hanten sihe als gesihteclichen unt als offenlichen wart er gemartert an dem heilegen cruce. Daz ander als ob er spreche. als ich in hute euge. als euget er alle tage sinem vater fine wunden unt fine masen vur unes. Daz dritte als ob der prister sprech als ich in hute eugen als wirt er eugende an dem jungesten tage offenbar mit sinen wunden di er leit vur uns alle. wir sculen auch unsern herren drier dinge biten so der prifter unsern herren uf hebet. daz ein daz er uns durch finer marter ere gebe zerkennen alle unser sunde. und ware ruwe. und loter bihte von ganzem herzen. unt uns di alle vergebe. daz ander daz erz tu durch siner muter ere unt uns des helfe daz wir an unserm ende bewart

werden mit finem heilgen lichamen unt mit finem heilegen blute unt mit rehtem ende von dirre werelde scheiden. daz dritte daz wir unsern herren biten schulen daz er sich durch finer marter ere erbarme uber arme sunder und gemeinlichen uber di cristenheit. unt daz er uns allen helfe zu den ewegen vreuden.

Dar nach strecket der prifter di arme sere von ime. daz bezeichent daz unser herre gedent wart an daz heilege cruce als ser. daz man allez fine gebeine gezelt mohte haben durch sin huet. unt swaz der prifter dar nach tuet daz bezeichent allèz di marter di unser herre leit an dem cruce. unt dar nach uber ein wile sprichet der prister ein wort daz di lute, sine stimme wol horent unt bezeichent dar (sic) unser. herre deme schecher alle sine sunde vergebe. unt dar nach swaz der prister tuet daz bezeichent alle di marter di unser herre leit an dem cruce. Dar nach sprihet der prister per omnia secula seculorum. unt du selben wort bezeichent daz unser herre an dem heilegen cruce lute schrei. unt als er denne fumet biz an diz wort. in temptationem. unt dar nach geswiget. daz bezeichent daz unser herre verschiet an dem heilegen cruce. dar nach antwurtent di koerherren. sed libera nos a malo. daz bezeichent daz alle creature derschrei do unser herre erstarb an dem heilegen cruce.

Unt dar nach in der selben stille so der prister stille liset daz bezeichent daz Longinus unsern herren also toeten mit dem spere stach durch sine siten unt sin herze. do vloez dar uz wazer unt bluet. du selbe stille bezeichent daz unser herre geloset wart von dem heilegen cruce. unt daz er begraben wart. unt in der selben stille teilet der prifter di obelaten in drue teil. daz ein teil wirfet er in den kelche. unt in daz bluet unsers herren unt bezeichent daz unser herre opfert finem vater vur alle di. di in sinem blute sint. daz sint di rehten gelaubegen. daz ander teil leget er an die truken uf du paten. daz bezeichent daz sich unser herre da opfert vur

alle gelaubege sele. daz dritte teil leget er uf die paten. daz bezeichent daz sich unser herre opfert finem vater ze lobe und zeren unt ze vreuden allem himelschem here.

Dar nach singet man dristunt agnus dei. unt bezeichent daz unser herre an dem dritten tage von dem toede erstunt. warer got unt warer mensche unt daz er fine liben truet muter ervreute unt sich ir eroffente. unt dar nach erschein er Marie Magdalene unt finen iungeren in den virzec tagen swi dicke er wolte. dar nach in der selben stille so nuget der prister unsern herren. daz bezeichent daz unser herre nach finer urstende mit sinen jungern az unt tranc. unt alle di di denne in der kirchen sint mit rehter andaht unt mit rehter truwe. unt mit rehtem gelaweben. di werden alle gespiset mit unserm herren da mit daz in der prister nuget rehte als ein mensche der ein spise izet mit dem munde. der munt wirt niht alleine gespiset. da mite werden di augen auch gespiset. unt daz haubet unt der mage unt di aedern unt aller der lieb der wirt da von gespiset unt wirt gesterket da von. der prifter wirt niht allein gespiset mit unserm herren sunder mit ime werdent alle di gespiset. unt enphahent unsern herren di mit rehter ruwe unt mit rehtem gelauben in der kirchin sint. unt ist doch ein gelit grozer an dem menschen denne daz ander. daz enpfehet auch mer der spise denne daz cleine. also ist ez auch umme di lute di in der kirchen sint. dar nach unt igeliches menschen andaht ist gein unserm herren. hat der mensche groze ruwe umme sin sunde unt groze minne zegote. er enpfehet deste grozer gnade hat er cleine so enpfehet er cleine. Dem prister geschihet als einim menschen der eine spise izet. tunt im di zen we unt sint im die belre vuel. so tuet im daz ezen vil we. unt wirt ime vil swere kumet aber di spise in den lib so tuet si dem libe vil wol. unt wirt da von gevurt unt gesterket. also geschihet auch dem prister. ist er mit haubet sunden bevangen so tuent im die zene vil we. ist er aber in toetlichen sunden. so sint im die belre gar

vuel. unt enpfehet unsers herren troeft zu der verdampnunge finer sele und fines libes. ist dem prister sin ambet verboten so werdent di lute gespiset mit unserm herren an der sele unt werdent stark in gote.

Dar nach singet man den communionem. daz bezeichent daz unser herre zu himel vure. dar nach liset man di collecten. daz bezeichent daz unser herre immer bitet vur den menschen vor sinem vater. unt bitende ist an dem iungesten tage. dar nach keret sich der prister umme. unde sprichet ite missa est. daz bezeichent daz unser herre an dem jungesten tage allen den danket. di im hi gedint haben. unt di finen willen habent getan. unt dar nach gibet ere denne den segen daz bezeichent daz unser herre an dem iungesten tage sprechen schol. kumet ir gesegenten kint in daz rich mines vater daz u bereit ist von angenge der werelde. Unt gent danne alle heim.

Swer ez denne wol hat geschafet. der ervindet ez wol. Ez sint auch einer lei lute den wirt der messe ein luzel oder betalle niht. daz sint di. di uz der kirchen gen so daz ewangelium gelesin wirt. Ez fint auch vierlei lute den wirt er niht. di ersten daz sin di. di in der kirchen redent unt iren mesterschefeten ungehorsam sint. di andern daz, sint di in die kirchen gen unt in gotes dinst verboten sint unt ze banne fint di dritten daz sin di. di unsers herren lichamen unwirdeclichen enpfahent. die virden daz sint di da versmahent di heilegen messe. unt si von muetwillen versument. so si wol dar kumen mohten. und siche (sic) kleine sache lazent irrent (sic).

Daz mahte bruder Berhtolt.

J. Marienklage.

In obigem Stücke ist die Marienklage als Monolog enthalten und unmittelbar darauf folgt das Gespräch zwischen