Linguam Græcam rectè intelligendam magis è re futura sit, quam multæ, perfunctoriè, ut vulgò fit, interpretationis Latina auxilio paratæ. ANNOTATIONIBUS in singula Excerpta præfigitur auctoris vitæ, ejusque operum præcipuarum Editionum, brevis Notitia; quæ sit junioribus discipulis prima quasi Elementa ejus generis Scientiæ, ubi nemo, literis politioribus imbutus, hospes esse debet. LEXICON parvum, è Schrevelio desumptum sed nonnihil emendatum et multis vocibus suppletum, ideo adjicere vi, sum est, ut Tironibus, modico sumptu, nunquam non ad manus esset singularum vocum explicatio huic opusculo accommodata. CETERUM hujusmodi laboribus-humillimis quidem illis! non autem inutilibus, si Juventuti ingenuæ ad cognitionem Linguæ Doctrinæque longè omnium elegantissimæ aditum minùs salebrosum reddere valuerint, te, Lector benevole, be nignè fauturum speramus. Vale. Edinburgi, è Coll. Jacobi VI. Scotorum Regis, Kal. Feb. MDCCXCI. PREFATIO EDITIONIS QUARTÆ. POSTQUAM hic libellus tertiùm editus fuisset Edinburgi,. nova ejus editio nuper prodiit Lipsia, curante Joanne Godofr. Grohmanno, in inclytâ Academiâ Lipsiensi Philosophiæ Professore. In hac visum est editori doctissimo notas contextui, ad usum commodiorem, subjicere; auctorum locutiones aliquas, quæ in notis Anglicè versæ legebantur, Latinè reddere: atque vocum analysin, quæ ibidem subindè occurrebat, in parvum Lexicon analyticum, paulò aliter quam id quod confeceram constructum, transferre; in quo vocabulorum derivationes, rectiùs, ut ille arbitratur, ex aliis Lexicis petendas, omisit. Indicem autem rerum ad finem adjunxit. Nequit mihi non esse gratissimum, quòd hic libellus non solum domi comprobatus fuerit, sed etiam in exteris regionibus, tanquam studiosæ Juventuti aliquid utilitatis afferens, jam cœperit innotescere; et magnæ quidem à me debentur gratiæ erudito Professori Lipsiensi, propter laborem, quem in hoc opusculo recoquendo et patriæ juventuti commendando, ponere haud gravatus sit. Græcum certè contextum diligenter accuravit, sublatis, quæ locis quibusdam in meas editiones irrepserant, erratis typographicis: quæque ego, ad illius exemplum, ex hac quoque editione tollenda curavi; atque indicem itidem rerum ab illo confectum libenter adoptavi. Quæ verò in notis et lexico innovavit, quanquàm ea in melius mutata nonnullis videantur, tamen ut eum in hoc quoque imitarer mihi non potui persuadere; atque adeo in hac novâ editione eandem notarum et lexici formam quam antehac, materiâ tantùm in paucis emendatâ, retinui. Namque, inter docendum, dum discipuli alii aliam libelli formam in manibus haberent, magnum exinde incommodum oriturum, præsertim in locis per paginas indicandis, mihi visus sum prævidere. Præterea, cum nota eo consilio exaratæ essent, ut auxilium discipulis in prælectione discendâ domi præberent, verebar ne, si hæ oculis eorum inter examinandum in auditorio subjicerentur, tali illecebræ, dum loca diffi ciliora interpretarentur, resistere nequirent; atque ita satis se facere putarent, si, imprimis, sententiam Græcam, deinde, interpretationem ejus ultrò quasi se offerentem, legerent; quod, ut præceptores benè nôrunt, usu venire solet discentibus, quando perpetua interpretatio Latina è regione vel infrà præsto iis adest; quodque, ut iidem quoque nôrunt, magno est recta Linguæ Græcæ intelligentiæ impedimento. Neque ullam mutationem feci in Lexico, magis id analyticum reddendi gratiâ: Nam antequam hujus libelli lectionem tirones aggrediantur, nominum et verborum flexiones ad unguem callere, atque casum quemcunque nominis aut tempus verbi primo intuitu, vel saltem post iis indicatum nominis nominativum aut verbi præsens indicativi, dignoscere debent. Vocabulorum verò radices vel derivationes, quarum quippe matura cognitio tironibus utilissima sit, nequaquam hinc ablegandas duxi. Quod ad quasdam phrases Græcas attinet, quæ in notis Anglicè potius quam Latinè redditæ inveniuntur, hanc secutus sum methodum, quando idioma vernaculum melius quam Latinum Græco respondere videbatur; quas utinam Grohmannus non Latinè, sed vernaculè vel Gallicè, in suâ editione vertisset: Atque si unquam Analecta mea Majora, duobus tomis comprehensa, Lipsiæ quoque, curâ ejusdem viri doctissimi, prodibunt, hoc ab eo factum forsan inveniemus. Interea hic quidem lucem jam aspexit eorum Tomi prioris editio quarta, cum Appendice, in qua Subsidia quædam selecta Linguæ Græcæ studiosis utilissima indicantur: Tomi autem posterioris editionem alteram emendatiorem propediem prodituram spero. Scripsi Edinburgi, Idibus Jannar. A. D. MDCCCI. Annotatio ad Secundam Editionem Americanam. IN hac editione secunda Americana Col. Græc. Min. Cebetis Tabula, ad exemplar accuratissimum, excerptis ex orationis solutæ scriptoribus est addita. Lexicon parvum quoque auctum est verbis plus trecentis, quæ in hoc opusculo inveniuntur, et in editione priori non reperta. Notæ quædam philologica, ex melioribus editionibus selectæ, subjiciuntur, neutiquam profecto commentario lucido et nitido DALZEL comparandæ, sed quæ aliquid forsan fructus ingenuæ et studiosæ juventuti afferant. CANTABRIGIE, Nov-ANGLORUM, |