Siefert walputt von Bassenheim Obirster Spittler vnd komptur czum Elbinghe Bruder Johan von Beffart, obirster. Trappier vnd kompthur czu Cristburg bruder Conrad von Jungingen Treszler bruder Engelhardt Rabe komptḥur czu Thorun Her peter vnser Capplan, Pawl Rulman von Sinczich Johan von Stroffen vnser Compan. Andreas. Nicolaus vnd Mathias vnser Schreibere vnd vilander gelowbwirdige lewthe Gegeben vff vnserm huwsze Thorun an vnsers herren hymmelfart obent In den Jaren Christi Tausent Dreihundert drey und newenczig. N CXVIII. Der päpstliche Nuncius Bischof Johannes von Messina erläßt den Bischöfen von Pomefanien, Ermland Original-Abschrift im Buche: Privilegia Pomesanien. ecclesiae p. XIV. N CXIX. Der König Sigismund von Ungarn erlaubt dem Herzog Ladislav von Oppeln die Verpfändung des Landes Dobrin an den D. Orden. 1393. Wir ir Sigmund von gotis gnaden kunig zu ungern etc. und Marggraff zu Brandenburg etc. Bekennen und tun kunt offenlich mit dem briff, das wir dem Irluchten fursten heren Lasslaw hertzog zu Oppol etc. unserm lieben Ohemen unsern gunst und willen geben haben und geben mit krafft dicz briffes darczu, das er sein land Dobrem mit aller sein czugehorungen dem deuschen Orden von Preussen vorseczen und vorkummern muge Mit urkund dicz priffes der Geben ist zu Schintaw des Mittwochen nach Nativitatis Marie Anno domini M° CCC° LXXXXIH°. Original Urkunde im geheim. Archiv Schiebl. 31. Nro. 18. M CXX. Der Hochmeister Konrad von Jungingen bestätigt und verbessert das Armen oder Elenden-Hospital zu Danzig. 1394. In dem namen unsers hern amen. Wir bruder Conrad von Jungingen Homeister des Ordens der bruder des hospitalis sunte Marien des deutschen huses von ierusalem allen cristgeloubigen dy nu synt und yn zukunftigen cziten werden, den deser kegenwertige briff vor kumpt, Entpitten ewiges heil in gote Is ist eyn gut werk, und eyne guttige togunt, und ist eyne von den sechs werken der barmherczikeit pilgerym gerne zu herbergen, und dy togunt wirt so vil mee lobelicher und vordinlicher so man sy czu gotis dinste me wendet, das auch denne grosslicher geschit, wenne man dy elenden armen sichen, dy nicht eygens hy yn deser yomerkeit behalden, geherberget, gelabet, getrost und czu raste gebrocht werden, unde wente wir uns czu desem heiligen orden, der uf eyn spittal den elenden kranken czu herberge gebuwet und gefunden ist, alzo syn lobelich tytel der sich numet des hospitalis von ierusalem bewyset Mit guttem willen gegeben haben deme wir ouch von gotis gnaden und schickunge und nicht von eygener vordynunge, czu eynem houpte und obirsten sint gegeben So sye wir destemer pflichtig synen heiligen namen czu loben und unser liben vrouwen, myt deser namen her ouch gecziret ist, czu breiten und czu meren das wir ouch do mete hoffen czu thun so wir den kranken, und den armen elenden unser gnaden und almosen meteteilen. Hirumbe habe wir vliesiglich gemerket und an geseen das gutte werk der barmherezikeit das an den armen elenden und kranken menschen, yn der elenden hove, der vor unser stad danczik yn der alden stad ober der radunen kegen sunte iurgen ober gelegen ist, bis her vly siglich geton ist, und tegelich getan wirt und sint begerende den selbigen armen unser almosen gutlich mete czu teilen, gote czu loben und syner werden mutter, und der liben sunte Elizabeth czu eren, uf das man dy elenden kranken herberge, and sy in erer krangheit enthalden moge, myt rate unser metegebitiger zo entphaen wir den selbigen elenden hoff yn unser beschirmunge, und bestetigen yn myt craft deses brives czu eynem ewigen hospital, und fryen yn ewiglich von allem czinse, den her yerlich sulde geben unserm huse do selbist czu Danczik, und von dem rechte das wir haben czu der pfarre kirche czu sunte katheryn So dirloube wir gote czu lobe, und der werden sunte Elizabeth czu eren eyne Capelle ober das frie wasser das vor dem hove geit czu buwen, und dy heiligen Sacrament, alz den heiligen lichenam unsers hern, und dy heilige Oelunge czu der kirchen notdorft, do wirdiglich czu halden Ouch dirloube wir das sy yn den hove ere eygene prister mogen haben alzo vil alz ir czu notdorft ist, und sunderlich eynen cappelan, der dy kranken und ere vorweser, und hoves ynwoner, und dy pilgerym vorsteen moge, myt den sacramenten, alzo dicke alzo is not ist, noch cristenlicher gewonheit, der ouch dy bysorge der selen nemen sal von dem bisschove. Ouch welle wir das der pfarrer czu sunte Katheryn, der nu ist ader czukumftig syn wirt nicht me sal czu schaffen haben myt dem hove, noch myt synen ynwonern, Ouch mogen sy ere festa alz kirchwyunge und beide sunte Elizabeten tagen und Jacobi tag des grosen werden apostels, yn des ere dy capelle ouch gewiet ist, lobelich begeen mit syngen predigen und allen ammechten der kirchen, und durch das iar czu den heiligen tagen mogen syngen und predigen, doch alzo, das das singen und predigen wol aws sy, wen man das andermol luthet czu der homesse czu sunte katheryn Ouch mag man do predigen noch essens wen is bequeme ist und wen lichen kegenwartig sint, so mag man sy begeen myt dem ammechte der selen noch cristenlicher gewonheit, und was do gefellet czu oppir, yn den festen und das gancze iar uf den altar ader yn dy capellen, bynnen dem sichhusse, ader wo is gegeben wirt den armen czu almozen, das sal allis bliben den armen, und yn ere notdorft gewant werden, Und was dem Spittel und den armen bescheiden wirt von bereitem gutte, ader von varender habe czu testament gesatczt wirt, das gebe wir von sunderlichen gnaden und macht unser herlichkeit, das yn das volge sunder allis hindernis und wedersproch Ouch welch mensche stirbit yn dem hospital, was das dor yn gebrocht hat von cleideren gelde, gerethe, ader welcherleye habe is sy, das bleibe deme spittel, und dor uf sal nymant myt keynerleie rechte sprechen, ader is fordern, geistlich ader wertlich Wir wellen ouch das dy vorweser des hospitalis, und alle syne ynwoner vor nymande sullen czu rechte steen, denne vor unserm kumpthur czu Danczik der ouch des spittalis oberster vormunde und vorweser syn sal, und alle merk liche sachen, alzo andere vorweser des spittalis, wen dy eynen abegeen czu setczen, eynen cappellan czu nemen und ander merkliche geschefte, das allis myt synem rote und willen sal geschen, Wir gunnen ouch dem selbigen spittal, das is eynen eygenen kirchhoff haben moge, wen is den rum dorczu gewynnen mag, do man dy kranken wen sy vorscheiden, noch cristenlicher gewonheit uffe begraben moge, und dywyle das spittal eygens kirchhofis nicht enhat, das man sy czu sunte Jurgen moge begraben Czu ewigem gedechtnisse deser dinge habe wir desen briff gegeben, myt unserm yngesegel bestetigit, Geschen uf unserm huze Marienborg am suntage yn der fasten alz man singet Reminiscere in den Joren unsers hern Tusent dryhundert vir und newenczik Geczuge sint dy ersamen, unser liben brudere, Wilhelm von helfensteyn groskumptur Wernher von tettingen oberster marschalk Syfrit Walpot von bassenheym oberster spitteler und kumpthur czum elbinge, Frederich von Wenden Treseler Johan von Rompilheym kumpthur czu Danczik Rotcher von Elner kumptur czum Tuchel her Peter unser Cappelan Johan von Pfirten und eberhart von Wallenwels unser kumpan Andreas und Mathias unser schriber, und vil ander Ersamer leute. Alte Abschrift auf Pergament im Geheim. Archiv Schiebl. XLI. Nro. 4. N CXXI. Privilegium wy das stifte zcu Samlant zculeczst ist Wissentlich sy das dise nochgeschrebene grenitczin teilen daz lant Samlant czwischen den brudern des Duetczen husis unde der kirchen zcu Samlant. Czum irsten an zcu heben by dem vrischen habe von eyner umegegraben Eychen dy do stet by dem wege genant in Pruschen Barbalenx den selbin weg dy gerichte vort zcu gende bis zcu eyner andern eiche umegegraben dy do stet by dem bruche Sif genant in dütczen unde von der eychen dy gerichte vort zcu geende zcu eynen umbgegraben Pfole der do stet in dem wege den man get von konigisberg do eyn anderer weg denselbin weg obir geet Von dem Pfole dy gerichte zcu dem vorte genant in Pruschen rembingen wo eyn pfol glicher wis umbgraben stet von dem Pfole daz vlis uf zcu geende bys zcu eynem umbgrabinen Pfole der do teilet der do von kandeynin unde von Greybow wisen von dannen dy gerichte zcum andern umbgraben pfole der do stet by dem wege den man geet von konigisberg ken vischhusen von dannen dy gerichte zcu eyner umbgrabiner eychen dy do steet by dem wege den man get von Grebow ken der Medenaw by dem vlisse unde von der eiche daz selbe vlis zcu geende uff wert bys zcu eyme umbgrabin pfole der do stet by dem selbin wege der do geet von greybow zcu der Medenaw Von dannen dy gerichte zcu eyner umbgrabiner eichen dy do stet uff der statin pruschen genant Lasanos by dem gute etiswenne Albrecht tuvels. Von dannen dy gerichte zcu eyner andern umbgrabin eichen dy do steet by dem wege no by dem berge genant Leypiten von der eichen zcu eyner andern umbgrabin eichen dy do steet by dem wege wo man geet von Greybow ken Wykow und dy selbe eiche steet uff dem alden grabin in Pruschen genant Nogarbe. von dannen dy gerichte zcu eynem umbgrabin pfole der do steet wo ettiswenne waz eyn bowm genant in pruschen ywegarge von dem pfole vort zcu geende zcu eyner haynbuche glicher wis umbgraben dy do steet uff der vy weyden czwischen Snoten und Wykow Sunder von der haynbuchen zcu eynem umbgrabin pfole der do steet no by den vie weyden dy do sint czwischen Wykow und Snoten. Von dannen gerichte zcu eynem andern umbgrabin pfole der do stet czwischen dem ackinn Wilbrandes unde Sabunen von dem pfole dy gerichte zcu eynem andern der do stet uff dem hobilichen in den vy weyden gelegen dy do sint czwischen Wykow unde Snoten Von dannen zcum andern umbgrabin pfole glicher wis der do steet in den vy weyden czwischen Wykow unde Snoten Von dem selbin pfole dy gerichte zcu eyner ́umbgrabiner eichen dy do steet by den weyden no by dem wald in pruschen genant Pelkis von dannen dy gerichte zcu einer umbgrabin eichen dy do steet by dem vlisse in Pruschen genant Kaymenappe Von dannen daz selbe vliss uff zcu geende dy gerichte zcu eyner umbgrabener eiche dy do steet von der andern syten des selbin vlisis. Von dannen zcu eyner andern eichen dy nicht verre steet von der glicherwis umbgrabin Abir von der czu eyner andern umbgrabener eichen di do stet uff der stat in pruschen genant onbethobe. went alle disse grenitczen von dem vrischen habe alzo gesprochen ist bys zcu disser leczten grenitcz geczeychent mit der eiche dy do steet uff statt onbethobe genant teylen das kamerampt Medenow unde Wargen von dannen von der eiche itczunt genant dy do stet uff der stat onbetobe in Pruschen genant dy gerichte vort zcu geende zeu.eyner andern umbgrabin eichen dy do stet no by der weyde der von Drabenow uff der stat yn Pruschen genant barne. Unde disse eynige grenitcz geczeichent mit der umbgrabenen eichen dy do steet uff der stat in Pruschen genant barne teilet¡daz kamerampt Wargen unde Rinow. Von dannen dy gerichte zcu eyner umbgrabener eichen dyfdo stet by dem wege den man (von) Konigisberg geet zcu Pobetin unde von der selbin eichen bys zcu Pobetin ist eyne gemessene meyle von dannen von der eichen zcu eyner andern umbgrabin eichen dy do stet uff der stat in Pruschin genant Scherde Sunder dy czwu grenitezen itczunt genant alze dy eiche geczichent mit der myle mit der eiche dy do steet uff der stat yn pruschen genent Scherde teylen daz kamerampt Rinow unde Rudow, von dannen dy gerichte zcu |