1472. 11. September. ICH Mauritz Von Tannbergkch Wolfgangen weyllend Von Tannbergk säling Sun Bekenn für mich vnd all mein erben Offennlich an dem brief gein allermänigklichen, Das Ich mit veraintem, Wolbedachtem muett vnd mit gutem willen ainen Fräuntlichen vertrag, taillaynigung vnd austzaygung gethan, gemacht vnd fürgenomen habe mit meinen lieben vettern herrn Sixten, Jorig, Mauritzen, Pernnharten vnd Wolfgangen gebrueder von Tannbergk Hannsen weyllend von Tannbergk säling Sun vnd irem pruder veytten, dafür sy sich angenomen vnd gemächtigt haben, Alles des gutz und Stukch, so wir ditzmalls miteinander ze taillen gehabt haben am gesloss Awroltzmünster mit seiner Zugehörung, Gräben, purgkfrid, gârtn, hofpaw, weyern, wismad, hölltzer, waid, vischwassern vnd anndern, nichts ausgenomen, besundert noch hindangesetzt, gemelltz oder vngemelltz, Nämlichen iedes stukch mit namen hernach volgend begriffen, Ausserhalb der stukeh, gült, peytllehen, Zehent vnd guetter, So vnser vätter säliger gedächtnüss bey jrem lebentigen miteinander getailt vnd vnser ietweder jn seinem brauch, nutz vnd gewer vorher gehabt vnd noch hat etc. (sic). Item von Erst so ist am gsloss Awroltzmünster fürgenomen, getaillt vnd ausgetzaigt Der maynung hernach vollgend Allso, das dy wer, so weytt der gangk mit dem Secrett ist, iedem tail gemain sey Vnd die vier kamer daraufft vber egkch getailt werden iedem tail Zwo Vnd was zwischen der vier kamer ist, soll auch getaillt werden, Das yedem tail souill geuall alls dem anndern. Wellen wir dann ain wachterkamer auf der wêr haben, die sullen wir an ain gelegene stat mit vnser paider tail guet Zymern, Es sey ain ârigker oder sunst ain kämerl. Dann gar vnnder dem tach sind Zwo kamer, Sol ieder tail aine haben mit austzaigen hernach benennt; vnd das Dach mitsambt dem puntberch, Zymer, wêr, Laden verslahen, mit der stiegen auf dy wêr, Ryennen auftziehen, das alles sol von vnser paider tail guet gemacht vnd versehen werden, Ausgenomen dy kâmer daran sol ieder seinen taill machen. Item der dritt podem, da die gemallt Turrnitz jnnen ist, mit allen gemächern, Wie der jn der hawstzarig verfangen ist, bey Einannder den obgenanten meinen lieben vettern hern Sixten, Jöring, Mauritzen, Pernharten vnd Wolfgangen vnd allen iren erben mit mer hernach vollgend zum dritten podem getailt beleyben. Vnd zu dem selbem ytzgemeltem dritten podem ist auf der wer ausgetzaigt zwo kamer, Aine gelegen gein der tafern, Dy annder vber egk gelegen gein der ayhätmüll Vnd dy ain kamer vnder dem Dach die hinder gein vorchtnaw wertz gehört zum dritten podem. Auch das vorhaws vnd käskämerl jn dem vierden podem vor der lanngen Turrnitzen soll jn der gemain ainem tail alls dem anndern ze brauchen beleiben. Dann dy stuben daselben gein vorchtnaw wertz mitsambt den drein kamern vnd fürhäusslein sol auch bey dem dritten Podem beleiben. Dann jn dem fünfften podem das gewelb, darjnn itz der wein ligt, sol jn dy mitt getailt vnd verpawt werden vnd Zwo tür darein gemacht Vnd der hindter tail gein der tafern sol bey dem dritten podem beleyben Vnd das voder gewelb vnd dy mellkamer dapey Sullen vnns paiden tailen gemain beleyben. Dann der gemach dapey, da itz das traid ligt, gein vorchtnaw wertz gehört auch dem dritten podem zue, Darnach in dem Sechsten podem vnnder der erden sol der lanng gemach, der nicht gewelblibt ist, mitsambt dem milichgewelb pey dem dritten podem beleiben. Item der Zwinger vnd annder Inpaw, auch gemain pessern (sic) der turrn vnd das stübl darauft pey dem tor Zu der rechten hanndt am hinausgeen vnd das viertail am Zwinger zenagst daran vnd dy kuchl mit der diernkamer, Auch ain viertel am Zwinger vber egk ausgemessen gein vorchtnaw wertz vnd der grundt, da ytz dy hundtzkelln ist, Soll alles dem dritten podem nachuolgen. Auch der Turrn, dy Rossställ gein der padstuebm wertz vnd da dy Wagenross stennt, sol alles bej dem dritten podem beleyben vnd ob man auf dy bemellten ställ füran pawn würd, so mag man jn den hoff herfür faren ain schritt oder Zwen. Item der stadel ist auch mit ainer snur jn dy mitt gemessen vnd der halb tail zenachst an den bemellten Rosstall Zum dritten podem getailt Vnd der kuestal ist auch gemessen jn dy mitt, der tail gein dem gsloss sol pey dem benanten podem beleiben. Dann der hoff sol vns paiden tailen gemain sein. Item payd prukchen vnnden vnd oben sullen wir paid tail jn gemain haben vnd mit paw versorgen, Desgeleichen den Brunn jm hoff, jtem der hawsgraben sol vns paidn taillen gemain sein vnd miteinander trewlichen besetzen vnd nyessen vnd der plaichgraben biss an den Arigker, auch annder gräben vmb den markcht mitsambt den häggern soll alles jn der gemain beleyben ze nutzen, ze brauchen vnd ze pessern. Item der pawngarten bey dem prunn von dem Ärigker Zu payden türlein Ist Zum dritten podem getailt Allso, das dy durchgeng zu der tafern vnd vmb das geslos dem anndern tail Herren vnd frawen vnd wer angeuer mit In get, sol auch frey sein, doch dem anndern tail an schaden. Item der weingarten ist gemessen in dy mitt vnd der tail Zenagst dem Zieglstadel soll pey dem dritten podem beleyben Vnd derselb tail sol vmb Zwen schritt mer sein dann der annder tail Darumb, das er den trib, vanngk vnd gangkeh durch den anndern tail mues haben. Dann das kyrchlehen mit aller herlichait vnd anndre Lehen, dy man von hanndt leicht, dy tafern, das pad vnd des prews haws, so ytz peter prew jnnhat, das allt prewhaws, der guffenhoff ist alles noch vngetailt. Item Im markt Sind dy häwser vnd hofstet an der vnndern Zeyl zum dritten podem getailt, Mit namen von Erst das tor vnd torhaws gein dem Ziegelstadel sol besten, wie von alter herkömen ist, Besunder jn dy vnnder zeyll ist gerechent Nickel pader haws, dargegen vber des pecken haws bey dem tor, Matel Heglhaimer, Prüeller, Veytel, haslpergerin, yligin, Huetterin, mueslin, Michel schuester, Veytt fleyschakcher, Anndre Mawrer, Hanns Mawrer, Werntzel weber, Das allt prewhaws vnd das New prewhaws Nur mit der gewondlichen marktwerchart, Panschober, Vogler, Huetter, pfarrers haws, Ligkchnerin, Ledrär, pintterinn von Ayhät vnd das mülltor vnd torhaws Zesambt des Zollners haws, Liendl Wishayer auf dem guess gehört alles Zu dem dritten podem mit pessrung vnd versorgung. Es ist auch zu dem dritten podem getailt Des käppleins vischwasser vnd das wasser, so der Schervischer zu vorchtnaw ytz jnnehat; Item der ober Weyer Zu lautterbrunn, Der vnndter Weyer zu Schachen, Der veyol Weyer, Der marktgraben hinder dem panschober, Dy lossgrueb zu Ayhach, Das gruebl jm Sunnertal, Dy hechtengrueb vnd vörhengrueb jm Rosental gehört alles zu dem dritten podem. Item der Weyer zu vorchtnaw zesambt den grueben soll jn der gemain mit besetzung vnd nutzung beleiben Vnd das haws jm Rosental zesambt dem phällter vnd garten sol auch jn der gemain beleyben iedem taill Zu seiner notturfft ze brauchen. Es sol auch ieder tail seinen Rawchuangkch bewaren vnd hallten an jrrung des anndern. Item mer ist dem dritten podem den obgenanten meinen vettern vnd jren erbm Zugetailt Von erst Wismad Vorchtnaw, Mitterveld, Lamprechtin wiss, jtem Stokwiss vnd aus den sechs tagwerhen die drew tagberch zunachst dem Mernpach gelegen, Puechers zway tagwerch, bey dem Lasser, Jorg von Haging vnd wagnleyttner Zway tagwerch, Pekch bey dem tor, vischer von vorchtnaw Zway tagberich, Tomel von puech, werntzel weber von Münster Zway tagwerch, Des lasser flekch, Ortlpergers Wiss vnd dacz achenöder, Dem obgenanten tail funff Schilling pfening, Wishay ain halb pfund pfening, jtem zu Münster wismad: Von Erst Schreiber vnd Rosentaler Wiss, Holtzwiss, Dy wiss pey dem weyer jn der Newbiss, Des tomeleins wiss von lautterbrunn, Kuntzlin Zopfsperg wisen, Mönichperger jn der Newbiss, Sechs schilling pfening Voglers wiss, jtem Wiss hindter dem stelln, Dy Wiss auf der mosprugk, Dy Ayhingerin mit dem Newfang gein Lautterbrun wertz, Den obern tail jn der paderin (sic) mit den Weyerlein an des Zollners haws, Den tail jn der hallt gegen dem hamer. Item der hofpaw: Den vnndern tail an dem gemerglten Lanndt an Lautterbrun, Den obern tail des Landtz bey dem Weyer, Den tail an dem geren Lanndt zenagst dem prüeller, Den tail des spitzlandt bej dem Weg, Den tail des praitlach Landtz Zenagst dem moser, Den anndern tail am podem Lanndt, jtem ain taill Lanndtz Sunnertal Zenachst der Newbiss Vnd das wenig bäuntel bey dem Scheybel Lach, jtem den anndern taill gegen der hochstrass Zwo gewanntten aneinannder, jtem ain tail des grossen Landts Zenagst mayrhof bey des pfarrer Waydtz Lanndt, Das Lanndt Zenachst dem scheybllach, Das lanndt jm pandtzawn vnd das lanntel herdishalb der wasserspuell Zenachst dem prueller herab vnd dy geren länndtel vnnderhalb des Wegs gein dem Hamer, jtem ain gewanntten herdishalb des wegs gegen der Öllerin herab Vnd das länntel nyderthalb der wasserspuel gegen dem markt, Des Osternacher lanndt gegen dem Schachen jn das egk hertzue, jtem das gerstlanndt bey dem prüeller gantz durch dy twyricht biss an das hag, ain tail des osternacher landtz vom weg biss an das hag, Das lanndt gegen dem Zieglstadl vnd das Lanndt gegen Eytzing, Das länntel gein Ödnpach, Dartzu das lanndt gein der Wispacherin pewndt, Das ober lanndt an der guffin lanndt, Des Lanndts am hundtslach gegentail, der an das aychachveld get, Der ain tail des ayhatveldtz gegen dem huntslach, Item dy gärten: Von erst Voglers pewndt, ledrärin pewndt, Der gross veyolgarten, Das tail jm nydern garten zenagst dem markt, Das tail jm nydern garten zenagst dem Ziegelstadel, Burgergarten bis an den Weingarten, Pawngärtel, Sunnertal. Item dy holltzer: Von erst den tail am puechschachen gegen dem veldinger hinvmb, Das tail am praitlach gegen Tullmanning, Das tail der hagleytten gegen dem Senftnpach biss an den tobel, Das tail am Ried gegen dem Tänndrär hinauff, jtem das tail am Schachen gegen der Seyring hinvmb, Das tail am Slot zenachst Meinhartzperg, jtem dy mittern zway orttl am panndtzawn, Das fürhawpp von der frawnaw mitsambt dem Eysrechen biss an des pfarrer waid, Den Eysrechen von dem Zawn vber dy leytten mitsambt dem gattern vnd Zäwndel dapey Vnd all eysrechen zw ayhäch, Das örtel jn der Reyb Vnd das ober ortt an dem Zawn jn der Waid biss an dy frawnaw, Den obern tail nach der holtzbiss auch jn der waid biss an das fürhaupp Vnd jn dem mittern garten den Zawn von seinen gründten. Item ieder tail soll sein gärten selber frieden. Das vnnder ortt an der Newbiss piss an der Wishayer frid, jtem vom haws Rosental Zenegst dem markt biss an das pründel, Den frid jm Ayhâtveld pey der strassen gar vmbher für des Steindleins pewndt biss an dy gufin Vnd dartzu den gattern gegen dem praitlach; Dy furhaupp jm Aychachveld gein der Antesen die fridt ieder tail vor seinen grůnten, jn der paderin Zäwndt ieder auch vor seinen grünten. Der (sic) Zawn vom putzentobel biss an dy prugken vor dem Weyer sol der zawn, des der Weyer ist. Der frid vor der ayhingerin vnd vor dem podem alls biss jn das egk hervmb, jtem dy felär (sic) vberall nutzt vnd braucht ieder auf seinen grünten; jtem dy Aychen jm stellen jn der waid sol ieder seinen tail nutzen nach seiner notturft, Aber all annder aychen soll man jn der gemain nutzen vnd brauchen ieder seinen zugetailten halben tail Vnd das örtel mit den Ayhen pej der Olerinwiss Ist noch in der gemain. Item das örtel nach der müllpewndt herab ausserhalb des treibgatterleins jn dy halldt ist vngetailt. Item all weg, hawppgräben vnd wür sullen wir miteinander machen. Es soll ain tail dem anndern gewöndlich besuechweg vber sein gründt gen lassen. Item wir sullen auch all schiedtzawn miteinander machen. Item von des wassers wegen soll es besten, wie von allter herkömen ist. Dann von der wasserprüch wegen, was iedem jn seinem ausgetzaigten Wismad vnd grundt berürt, soll er selbs wenntten, Was aber Wasserprüch wären oder wurden dy gemain gründt vnd wismad berürunde, sullen wir miteinander wentten vnd machen alles trewlich vngeuerlich. Allso sind dy obuerschriben stukch alle vnd iedes jn Sunderhait, Alls es mit marhen, zäwn, gräben vnd Raynn vermaricht, ausgetzaigt vnd verfangen ist, Den obgenanten dritten podem meinen lieben vettern Herrn Sixten, Jörgen, Maritzen, Pernharten vnd wolfgangen geprüdern von Tannbergk vnd allen jren erben an geleicher tayllung zugetailt vnd geuallen, Das sy Nu füran damit ze hanndlen haben alls mit annderm jrem aygenhaften freyen guet, Das Ich obgenanter Maritz vnd all mein erbem noch Nyemant anndrer von vnsern wegen Zu jn vnd allen jren erbem darumb nymermer nichts zu sprechen noch zu uodern sullen, wellen noch mügen haben mit kainem fürnemen, wie das erdacht möcht werden trewlich angeuer. Wär auch sach, Ob füran mer Aincherlay stukch vnd gründt herfür kämen, die an der gegenwurtigen tayllung mit Namen nicht pracht vnd getailt wären, Die sullen wir dannoch füran fräuntlichen miteinannder tayllen vngeuerlich. Mit Vrkund des brieffs, den ich in vnd allen iren erben für mich vnd all mein erbem darumben gib mit meinem obgenanten Maritzen von Tannberg aygen anhangunden jnsigel versorgt Vnd des zu mererer Zewknüsse so hab ich mit vleyss gepeten den Edlen vessten Krystoffen von Ahaym zw Wildnaw meinen lieben vettern, das er sein jnsigel hie auch an den brief gelegt hat jm vnd sein erbm an schaden, Darundter Ich mich verpind für mich vnd all mein erbm mit meinen trewen, alles das war, vesst vnd stät zu hallden, was an dem tailbrief verschriben stet, Der geben ist an freytag nach vnserer lieben frawen tag der geperung Nach kristj gepurd Viertzehenhundert vnd jm Zway vnd Sybentzigisten jaren. Orig. Perg. 2 Hängesiegel von grünem Wachse. Schlossarchiv Aurolzmünster. |