Abbildungen der Seite
PDF
EPUB

Hiir vôre vorkôppe ick em in crafft desses brêues, vorlåte vnde vorkôpe vnde hebbe dat vorlåten vnde vorkofft vôr mynen gnêdigen heren Hinricke deme iungeren, hertige to Mekellnborch, vorste to Wenden, grauen to Swerin, dat slot to Rosseuissze to êneme êwigen erfflikenn koffthen kôpe, mit den bûwhâuen vnde mit alleme acker vnde mit allen wâteren vnde weyde, mit målen vnde myt allen gûdernn, allsee Rosseuissze licht in alle sînen enden vnde schêden, mit alle den gûdernn, dede hyr na screuen stâedt, alsze Groten Wenthdorppe, Glaseuissze, Spotendorppe, Sappkendorppe, Lutken Wenthdorppe, Leuekendorppe, Parperde, Poltze, de Nigehagen, Plawessze, Rampesschendorppe vnde Rampesschendorppe, Mirendorppe, Knegendorppe, Rekenissze, Litsouw, dat velt to Kurllepute, dat velth to Pruskendorppe, vnde wesz hyr noch to behôrt hefft, dat ick effte mîne vedderen mochten vorsettet hebbenn, alle desze vôrbenômeden gûdere liggen in alle eren enden vnde schêden, alszee dat sloth, hôuen, mâllen, bûwhâue, dorppe, mit wâter vnde mit weyde, mit wisken, mit môren, mit sâelen, mit holte, mid viskerye, mit affvlâte, mit tovlåte, mit affwege vnde mit thowegen bâuen der erden vnde vnder der erden, mit alleme recht hôgest vnde sydest, in hant vnde in halsz, dâr benedden nicht vthgenâmen, ick edder myne eruen dat mit alle nicht ane to hebbende edder to beholdende vnde ôk nichtes ane wårnde wesen in tokâmende tyden. Vnde ick Curdt Nortmann vorlâte dessze vôrscreuen gûdere vôr alle, vôr my vnde vôr mîne eruen, Vickken Veereggen vôrbenômet vnde sinen rechten eruen vnde wil see em vorlâtenn, wôr ick see van rechte vorlâtenn schal, wo dykke vnde wo vâken wo em desz nôedt vnde behôff

isz, vnde ick Curdt Nortman vnde myne eruen scollen Vickken vôrbenômet vnde sinen rechten eruen desz gûdesz wâren vnde entfrygen vôr alle anspråke geystlick effte werlick vnde vor alle dee iênnen, dede recht geuen vnde nemen willen. Alle desse vôrscreuen stuckke vnde ein îslick articule bii sick lâue ick Curdt Nortman vôr my vnde mînen rechten eruen Vickke Veereggen vôrbenômet vnde sinen rechten eruen in gûden trûwen stede vnde vaste vnde vnbrecliken to holdende sunder iênigerleye eede effte rechtganck, noch geystlick effte werlick, vnde sunder iênigerleye invunde nyge offte oldt, dede my vnde mynen eruen mochte to frâmen kâmen vnde Vicken vôrbenômet vnde sinen rechten eruen mochten to scâden kâmen, vnde to trûwer hant Lutke Hane wânafftich to Baesdouw vnde sinen rechten eruen, Jachim vnde Lutke genômet dee Moltsaen beyde wanafftich to deme Wolde vnde eren rechten eruen, Lutke Moltsẵn wânafftich to deme Grubenhagen vnde sinen rechten eruen, Otte vnde Clawesz genômet dee Moltken beyde wânafftich to deme Stridtvelde vnde eren rechten eruen, Clawes van Oldenborch wânafftich to Gremmellin vnde sinen rechten eruen, Gunter Fyneken wânafftich to Karouw vnde sinen rechten eruen: dit lâue ick em alle vnde myne eruen. Desz to mêrer bekantnissze vnde grôterem lôuen hebbe ick Curdt Nortman myn ingezegel henget nedden vôr dessen ôpene brêff mit willenn vnde mit witsscop vor my vnde myne eruen. Hyr hebbenn an vnde âner wesenn: dee duchtighe Lutke Hane wånafftich to Baessdouw, Lutke Moltsaen wanafftich to dem Grubenhagen, Otte Moltke wânafftich to deme Stridtuelde, Gunter Fineke wånafftich to Karouw, dede alle vmme

von Maltzansche Urk. Samml. III.

15

[ocr errors]

miner bêde willenn ere ingesegelle tho tûge hebbenn henget vôr dessen ôpenen breff mit willen vnde mit witsscop, screuen na den iâren vnses herenn dûsent veerhundert in deme vefftigestenn iâre, in der eluendûsenth iuncfrouwen âuende.

Nach einer ungefähr gleichzeitigen Abschrift im grossherzoglichmeklenburgischen Geheimen und Haupt-Archive zu Schwerin.

Nr. DXLVI.

Die Herzoge Heinrich d. ä. und Heinrich d. j. von Meklenburg thun ihren Räthen Reymar von Plessen, Lüdeke Hahn, Henning Zechelin, Otto Moltcke und Lüdeke Maltzan Schloss, Stadt und Vogtei Cummerow, welches die Herzoge von Meklenburg von den Herzogen von Pommern zu Pfande haben, zur Verwaltung ein.

D. d. (1451).

Wy Hinrick vnde Hinrick van godes gnâden herttogen to Mekelnborch 2c. vnde fursten to Wenden bekennen openbår vôr vns, vnse eruen vnde vôr alszweme, so als de duchtigen vnse redere vnde lêuen trûwen Reymar van Plesse, Ludeke Hane, Hennyng Czechelin, Otto Molteke vnde Ludeke Molczan to Schorssow mit vns vnde vnsen eruen vnde wy mit en vnde eren eruen dat slot, stad vnde vogedy Cummerow mit alle eren thobehôringen na lûde der besegelden brêue, de vns de hochgebôrnen fursten heren Barnym de iunger vnde Joachim, herttogen to Stettin, vnse lêuen

ôhme mit eren rederen dår vp besegelt hebben, inne hebben, so hebben wy den vôrbenômeden vnsen rederen vnde lêuen trûwen vnde eren eruen dat vôrbenômede slot mit sîner thobehôringe indâen, van vns vnde van erer wegen samptliken to uorstånde, so dat se dat samptliken edder erer ên deyls inne hebben scholen vp vnsen schâden vnde vrâmen vnde dôn vns dâr vp den nêgestkamenden sunte Mertens vnde vort to allen sunte Mertens dâgen van iâren to iâren rekenschop aff. Vnde wêret dat se vns dâr wes vp wunnen edder ane vorbûwet hedden, dat scholen vnde willen wy edder vnse eruen en edder eren eruen van iâren to iâren, de wyle se dat slot van vnser wegen inne` hebben, ganczliken to dancke vnde zunder eren schâden benemen. Schêget ôk dat de vôrbenômede vnse lêue ôhme van Stettin edder ere eruen mit eren rederen vnde eren eruen zodâne summen goldes nômliken sosz dûsent rynsche gulden mit deme vpslâge na lûde der besegelden brêue dâr vp besegelt to rechten tyden vtgêuen, so môgen de vôrbenômeden vnse redere vnde lêuen trûwen, nômlicken Reymar van Plesse, Ludeke Hane, Hennyng Czechellin, Otto Molteke vnde Ludeke Moltzant edder ere eruen samptlicken edder erer eyn deyls dat slot, stad vnde vogedy Cummerow wedder antwerden in der vôrbenômeden vnser lêuen ôhme van Stettin edder erer eruen hende zunder vns, vnser eruen vnde zunder iêmandes inseggent. To ôrkunde vnde furder bewâringe hebben wy vnse ingesegel mit 2c.

Nach dem auf Papier geschriebenen Concept im grossherzogl. Geh. und H. Archive zu Schwerin. Auf dem Rande sind mehrere Sätze zur Einschaltung beigeschrieben; auf dem untern Rande steht der Satz:,,van vns vnde van erer wegen ,,samptlicken to vorstånde", welcher nach dem Worte,,in

dâen" statt der davor stehenden durchstrichenen Formel: ,,vp rechten slotlôuen" einzuschalten ist; die auf dem Rande stehende Formel:,,vp vnsen schaden vnde vrâmen“ ist dann nach den Worten: ,,inne hebben scholen" einzuschalten. Die Urkunde, welche im Concepte nicht datirt ist, muss nach der Verpfändungs-Urkunde vom 29. Aug. 1450 nach Fastnacht 1451 und vor 15. März 1452, also wahrscheinlich im J. 1451 ausgestellt worden sein, wie auch Rudloff II, S. 775 angenommen hat.

Nr. DXLVII.

Der Herzog Wartislav von Pommern verpfändet dem Kloster Neuen-Camp alle fürstlichen Gefälle aus den Dörfern Lendershagen, Wulfshagen, Hoft, Mergenhagen und Lusdin.

D. d. Stralsund. 1451. Dec. 20.

Wy Wartislaff, van godes gnåden to Stettin hertoghe vnde furste to Ruyen, bekennen ôpenbâr betûgende an dessem brêue vôr vns, vnse eruen vnde nakômelinghe, dat wi rêde entfangen vnde vpgebôret hebben to vnser nôghe êr desses suluen brêues måkinghe achteynhundert mark sundescher penninghe van deme êrwerdigen in god våder vnde herrn heren Mathia abbete to deme Nyen-Campe, de wy vortan in vnse vnde vnser eruen nuth vnde behûf gekêret hebben, vôr welke achteynhundert mark wi deme êrgnanten heren abbete, syneme conuente vnd eren nakomelinghen setten vnd vorpanden alle vnse bêde, hundekorne vnd dênst, de wi plegen to hebbende in den vîf dorpen also in deme Lendershaghene, Wulueshaghene, Houede, Mergenhaghene vnde Lusdyen gehêten dat gût to deme Wulueshaghene, vnde vorder in den vif dorpen nichtes nicht

« ZurückWeiter »