geuêrde.

Ok effte vnsere ambachtlûde, de yczund vnse bâuen geschreuen slote vnd ambachte in hebben ein edder mehren affginge edder van vns entsettet worden, welke wy denn an der suluen stat setten, dy suluen ambachtlûde scholen dem anderen herren edder ambachtlûden in bôuengeschreuener mâte gelôuen vnd sweren, als denn dy vorderen gedan hebben, in den nêgsten viertên dågen na dem dage, alse der edder de gesettet worden, âne geuêrde.

-

de bedeidinget, ge

Vnd vppe dat disse vôrgeschreuen richtinge, sône, eyninge vnd buntnissen deste bas gehalden werden vnd bestendich bliuen, so hebben wy obgenannte forsten dy mit vpgerechkeden vyngeren to den heiligen geswôren vnd vnse ingesigel hîr an lâten hengen, -in craft disses brieues, scheen vnd geuen is to Fryenwalde an der Oder belegen, na godes gebôrt XIIIIc iâr vnd dâr na in dem XLVIIten iare, am sonnâuende na vnseren lieuen frowen dâge assumptionis. Hîr by vnd ôuer sind gewesen vnd disse vnse verschryuinge vnd buntdnissen hebben helpen dêdingen de êrwerdige, werdigen, gestrengen, erbôren vnd ersâmen vnse rede vnd lieuen getrûwen, mit nâmen herre Johans bisschop to Lubus, er Peter domprôuest to Brandenborg, er Frencze Steger prôuest to Berlin, Hans von Waldow riddere, Werner von Aluensleue marschalk, Jurge von Waldenfels câmermeistere, Heyne Pful, Thimo Ruchhouet, Arnd von Crummensee, Ludike von Arnim, Cone Baruot, Pauwel von Conrestorp vnd Vlrich Czewschel kuchenmeistere, er Nickel Tyrbach meister sunte Johans ordens, er Valentin von Melsholt prôuest, er Albrecht Gryps decan to Stettin, Gunther

Bilrebeke, Hennyngh von Ramyn, Hennyngh von Arnym, borgermeister vnd râtmanne der stete Stettin, Piricz vnd Gardze vnd vele mehrere lôuenwerdiger.

Aus der sehr grossen Urkunde im kurmärkischen Lehnscopialbuche gedruckt in Riedel Cod. dipl. Brand. II, 4, p. 398-404.

Nr. DXXVIII.

Der Herzog Barnim d. j. von Pommern quittirt das Kloster Neuen-Camp über 4000 sund. Mark, welche zur Ablösung der 400 Mark, die das Kloster jährlich an den Herzog zu entrichten hatte, bezahlt sind, die Wiederlösung vorbehältlich.

D. d. Neuen-Camp. 1447. Nov. 11.

Wy Barnym de iungher, van godes gnåden to Stetyn hertoghe vnde furste to Ruyen, bokennen âpenbår betûghende an desseme vnseme brêue vôr vns, vnse eruen vnd vnse nakomelinghe, dat wy na râde vnser lêuen trûwen râtgheuere hyr na geschreuen hebben vntfangen vnd vpghebôrd to vulkômener nôghe van deme eerwerdighen in god våder vnde heren heren Mathia abbete vnd syneme conuente to dem Nyenkampe vêrdûsent mark ghûdes sundischen gheldes, talles vnd munte alze to deme Sunde ghenghe vnd gheue synt, de wy vortan in vnsen nud vnde behûf ghekêret hebhen, vôr welke vêrdûsent mark sundesch de êrghenante abbet, syne nakomelinghe vnd syn conuent schôlen ynne beholden alle iâr na ghift desses brêues veerhundert mark sundesch von den soeshundert marken,

de se vns alle yår plegen to gheuende; vnd wêre id sâke, dat wy desse vôrbenômeden vêrhundert mark sundisch wedder to vns wolden lôsen, so schole wy deme vôrbenômeden abbate ofte synen nakômelynghen to vôren thosegghen yn den veer hylghen dåghen tho Passchen vnd gheuen em denne vppe Martini nêghest volghende veer dûsent mark sundesch, talles vnd munte, alze denne tôm Sunde genghe vnd gheue ys, an êneme summen, sunder vortoch, vnd dârna des anderen iâres to Nikolai nêghest volghende schal de êrbonômede abbet, syne nakômelynghe vnd syn conuent vns wedder gheuen de vêrhundert mark sundisch, so he vôrmåls plach to dûnde. Hyr synt an vnd ôuer ghewesen de êrwerdighe her Bernd Moltzan, kerkhere to Bard, vnd de strenghe her Hennynk van Jasmunde, ridder, vnd de duchtighen Gerd Bere, Hans von Plonen, Zyuerd van deme Haghene vnd Rauen Metzcowe 20%, myt welker wysschop wy vnse grôte inghesegel to mêrer bowȧringhe vnd grôter bekantnisse hebben hêten henghen vôr dessen brêff, dede gheuen vnd schreuen ys tôme Campe na godes bôrd vêrteyen hundert iàr dârna in deme sôuen vnd vêrtighesten iâre, in sunte Mertens dâghe des hilghen bisschoppes.

Aus dem königl. preussischen Provinzial-Archive zu Stettin.

Nr. DXXIX.

Der Herzog Barnim d. j. von Pommern verpfän

det dem Birgittenkloster Marienkrone bei Stralsund 100 sund. Mark Hebungen aus mehreren Dörfern auf Rügen.

D. d. Stralsund. 1448. Jan. 7.

Wy Barnym de iungher, von godes gnåden hertoghe tho Stettin, der Kassuben, der Wende vnde furste tho Ruyen, vôr vns vnd vnse nakômelinghe vnde vnse eruen bekennen vnde betûghen ôpenbâre in desseme vnseme yêghenwardeghen brêue, dat wy reddelken vnd rechtliken hebben vorkôft vnde vorlåten, vorkôpen vnde vorlåten tho êneme rechtuerdighen reddelken êwyghen kôpe den êrwerdighen ghêstliken personen Agnes Holthusen, abbatissen, vnde her Jacobo Roperstorp gemeyne bychtigher vnd allen susteren vnde brôderen dede nu synt vnd alle eren thokâmenden nåkômelinghen des klôsters Marien-Krone des orden der hilghen êwyghen iuncvrûwen Marien vnd sunte Byrgitten, ghenômet des hilgen sålichmakers, beleghen vôr vnser stad to deme Stralessunde, in deme stychte tho Zweryn, vôr twêdûsent mark sundescher munte, de wy vôrbenômede hertoch Barnym van densuluen gheistliken personen beyder conuente tho êner gantzen nôghe van en entfanghen hebben vnde vns van en getellet synt all eer der mâkinghe desses brêues, hundert mark gheldes vnd iârlike pacht vnde beede der vôrbonômeden munthe, de se hebben vnde vpbôren scholen alle yår vppe dat fest ênes yssliken sunte Mertens dach des hylghen bisschopes vte vnsen dorpen vnd hôuen vnde vte allen dessen

nabeschreuen guderen vppe deme lande to Ruyen:

Jodoch vmme sundergher vruntschop wyllen so gheuen de vôrbenômeden ghêstliken personen beyde sustere vnd brôdere vnd ere nakômelynghe vns vnde vnsen eruen vnd vnsen nakômelynghen den êwyghen wedderkôp vnde lôsinghe alle desser vôrscreuen ghûdere, pacht, beede vnd pleghe.

Alle stucke vnd artikle desses brêues vnde ên yêwelk besunderghen lôue wy hertoch Barnym hertoghe vôrbenômet vôr vns vnde vnsen eruen vnde alle vnse nakômelinghe den vôrbenômeden susteren vnd brôderen vnde ôk allen eren nakomelinghen stede vnd vast tho holdende in gûder gunst vnd steder trûwe. Des to thûghe und hôgher ôrkunde so hebbe wy wytliken vnd vastliken vnse ingheseghel hêten henghen vôr dessen brêff, de gegheuen vnde geschreuen ys yn vnser stad Stralessund, na godes bôrt veerteyenhundert iår dârna in deme achte vnd veerteghesten iâre, des nêghesten dâghes na der hylghen dryer kônynghe dåghe. Tüghe desser dyng synt vnse lêuen, getrûwen, êrwerdighe heren vnd manne her Dyderik Nordowe, kerkhere to Demyn, her Bernd Moltzan, kerkhere tho Bard, her Hennyngk van Jasmunde, her Curd Molteke, rittere, Gherd Bere vnde Hans Plone, knapen, vnde vele mêr andere vnser ghetreuwen.

Aus dem königl. preussischen Provinzial - Archive zu Stettin,